सबैको संरचना भत्कियो, एडभान्स अस्पताललाई किन छुट? स्थानीयको प्रश्न

स्थानीय

गृहपृष्ठ
स्थानीय
सबैको संरचना भत्कियो, एडभान्स अस्पताललाई किन छुट? स्थानीयको प्रश्न

सबैको संरचना भत्कियो, एडभान्स अस्पताललाई किन छुट? स्थानीयको प्रश्न

बिहीबार, साउन ७, २०८३ सुर्या दैनिक न्यूज डेस्क

वीरगञ्ज, साउन ७ — वीरगञ्जको मुख्य सडक (मेनरोड) २५/२५ मिटर विस्तार अभियानमा विभेदपूर्ण व्यवहार भएको भन्दै स्थानीय बासिन्दाले असन्तुष्टि व्यक्त गरेका छन्।

स्थानीयका अनुसार सडक विस्तारको मापदण्डअनुसार अधिकांश घर तथा व्यापारिक संरचनाहरू भत्काइसकिएको छ। तर, एडभान्स अस्पताल रहेको भवनलाई भने पटक–पटक अतिरिक्त समय दिइएको भन्दै उनीहरूले प्रश्न उठाएका छन्।

स्थानीयको भनाइ छ, यदि सडक विस्तार सबैका लागि समान रूपमा लागू गरिएको हो भने कुनै पनि व्यक्ति वा संस्थालाई विशेष सुविधा दिन नहुने हो। उनीहरूले कानुन सबैका लागि बराबर लागू हुनुपर्ने र सडक विस्तारको काममा कुनै किसिमको विभेद नगर्न सम्बन्धित निकायसँग माग गरेका छन्।

स्थानीयले सडक विस्तार अभियान पारदर्शी, निष्पक्ष र समान मापदण्डका आधारमा अगाडि बढाउन आग्रह गर्दै एउटै नियम सबै संरचनामा समान रूपमा लागू गरिनुपर्ने बताएका छन्।

यस विषयमा सम्बन्धित निकाय वा एडभान्स अस्पताल व्यवस्थापनको आधिकारिक प्रतिक्रिया भने सार्वजनिक भएको छैन।

प्रकाशित मिति: बिहीबार, साउन ७, २०८३ १२:५५

प्रतिक्रिया दिनुहोस्