म्याद गुज्रिएको ब्रेड बिक्री, MRP समेत छैन; कुहिएको अवस्थामा भेटियो

स्थानीय

गृहपृष्ठ
स्थानीय
म्याद गुज्रिएको ब्रेड बिक्री, MRP समेत छैन; कुहिएको अवस्थामा भेटियो

म्याद गुज्रिएको ब्रेड बिक्री, MRP समेत छैन; कुहिएको अवस्थामा भेटियो

सोमबार, भदौ ८, २०८३ राजन साह

वीरगञ्ज । वीरगञ्जको ब्रम्हचोकस्थित एक किराना पसलमा सक्तिमान बेकरीको म्याद गुज्रिएको ब्रेड बिक्री गरिएको आरोप लागेको छ। बिक्री गरिएको ब्रेडमा MRP समेत उल्लेख नभएको पाइएको छ।

उपभोक्ताका अनुसार २०२६ अगस्ट २० को मिति उल्लेख भएको ब्रेड अगस्ट २४ गते ब्रम्हचोकस्थित एक किराना पसलबाट बिक्री गरिएको हो। उक्त ब्रेडमा MRP समेत नभएको र कुहिएको अवस्थामा भेटिएपछि उपभोक्ताले गम्भीर आपत्ति जनाएका छन्।

म्याद गुज्रिएको तथा कुहिएको खाद्य पदार्थ बिक्री हुँदा उपभोक्ताको स्वास्थ्यमा गम्भीर असर पर्न सक्ने र सेवन गरेमा ज्यानसमेत जोखिममा पर्न सक्ने भन्दै सम्बन्धित निकायले तत्काल छानबिन गर्नुपर्ने माग गरिएको छ।

खाद्य वस्तुको उत्पादन मिति, उपभोग्य मिति तथा गुणस्तरबारे नियमित अनुगमन गरी उपभोक्ताको स्वास्थ्यसँग खेलबाड गर्ने व्यवसायीमाथि कानुनी कारबाही गर्नुपर्ने स्थानीयको माग छ।

यस विषयमा सम्बन्धित खाद्य निरीक्षण तथा स्थानीय प्रशासनको ध्यानाकर्षण हुन आवश्यक देखिएको छ।