पत्रकारिता असुरक्षित बन्दै: समाचार संकलनका क्रममा पत्रकारमाथि हातपात

स्थानीय

गृहपृष्ठ
स्थानीय
पत्रकारिता असुरक्षित बन्दै: समाचार संकलनका क्रममा पत्रकारमाथि हातपात

पत्रकारिता असुरक्षित बन्दै: समाचार संकलनका क्रममा पत्रकारमाथि हातपात

मंगलबार, साउन ५, २०८३ सुर्या दैनिक न्यूज डेस्क

वीरगञ्ज। लोकतन्त्रको चौथो अंग मानिने सञ्चार क्षेत्रमाथि गम्भीर आक्रमण भएको भन्दै पत्रकारहरूले घटनाको निष्पक्ष छानबिन र दोषीमाथि कडा कारबाहीको माग गरेका छन्।

समाचार सङ्कलनका क्रममा पत्रकार रोहित मण्डलमाथि ठेकेदार रोशन पटेलले हातपात गर्नुका साथै उनको मोबाइल फोनसमेत खोसेर दुर्व्यवहार गरेको आरोप लागेको छ।

घटनाका प्रत्यक्षदर्शीका अनुसार पत्रकार मण्डल आफ्नो पेशागत जिम्मेवारी निर्वाह गर्दै समाचार सङ्कलन गरिरहेका बेला विवाद उत्पन्न भएको थियो। त्यसक्रममा उनीमाथि अभद्र व्यवहार, हातपात तथा सञ्चार सामग्री नियन्त्रणमा लिने प्रयास भएको बताइएको छ।

पत्रकारमाथिको यस्तो व्यवहारले प्रेस स्वतन्त्रता, नागरिकको सुसूचित हुने अधिकार तथा लोकतान्त्रिक मूल्य–मान्यतामाथि नै आघात पुगेको सञ्चारकर्मीहरूले बताएका छन्। उनीहरूले घटनाको निष्पक्ष अनुसन्धान गरी दोषीलाई कानुनबमोजिम कारबाही गर्न सम्बन्धित निकायसँग माग गरेका छन्।

यस घटनाबारे सम्बन्धित पक्षको आधिकारिक धारणा आउन बाँकी रहेको छ। प्रहरीले घटनाको अनुसन्धान अघि बढाएको वा उजुरी दर्ता भएको विषयमा आधिकारिक जानकारी सार्वजनिक भएको छैन। यदि आरोप पुष्टि भएमा दोषीमाथि प्रचलित कानुनअनुसार कारबाही हुनुपर्ने माग समेत उठेको छ।

प्रकाशित मिति: मंगलबार, साउन ५, २०८३ २१:५८

प्रतिक्रिया दिनुहोस्