प्रेमिका नआए हाम फाल्छु’ भन्दै टेलिकम टावरमा चढे युवा

स्थानीय

गृहपृष्ठ
स्थानीय
प्रेमिका नआए हाम फाल्छु’ भन्दै टेलिकम टावरमा चढे युवा

प्रेमिका नआए हाम फाल्छु’ भन्दै टेलिकम टावरमा चढे युवा

आइतबार, साउन ३, २०८३ सुर्या दैनिक न्यूज डेस्क

सर्लाहीको मलंगवामा एक युवक प्रेमिकासँग विवाह गराइदिनुपर्ने माग राख्दै नेपाल टेलिकमको करिब ८० मिटर अग्लो टावरमा चढेपछि स्थानीय क्षेत्रमा तनावपूर्ण अवस्था सिर्जना भएको छ।

आइतबार बिहान गोडैता नगरपालिका–९ बकैनिया निवासी करिब २४ वर्षीय अफसर आलम हुसेन मलंगवा नगरपालिका–९ स्थित नेपाल टेलिकम कार्यालय परिसरभित्र रहेको टावरमा चढेका हुन्।

टावरमा पुगेपछि उनले आफ्ना एक साथीलाई फोन गरी आफू माथि रहेको जानकारी दिएका थिए। त्यसपछि घटनाबारे प्रहरीलाई खबर गरिएको थियो।

जिल्ला प्रहरी कार्यालय सर्लाहीका प्रवक्ता डिएसपी वेदप्रसाद गौतमका अनुसार नेपाल प्रहरी र नेपाली सेनाको संयुक्त टोली घटनास्थलमा खटिएर हुसेनलाई सुरक्षित रूपमा तल झार्ने प्रयास गरिरहेको छ। सुरक्षा टोलीले फोन तथा अन्य माध्यमबाट निरन्तर सम्झाइ–बुझाइ गरिरहेको प्रहरीले जनाएको छ।

प्रहरीका अनुसार हुसेनले आफ्नी प्रेमिकालाई घटनास्थलमा बोलाउनुपर्ने र विवाह गराइदिनुपर्ने माग राख्दै त्यसो नभए टावरबाट हाम फाल्ने चेतावनी दिएका छन्।

प्रारम्भिक अनुसन्धानमा हुसेन सर्लाही क्याम्पसमा बीबीए अध्ययनरत रहेको र सोही क्याम्पसकी एक युवतीसँग उनको प्रेम सम्बन्ध रहेको खुलेको प्रहरीले जनाएको छ।

घटनाबारे थप अनुसन्धान जारी रहेको छ भने सुरक्षा निकायले उनीलाई सकुशल उद्धार गर्न प्राथमिकता दिएको जनाएको छ।

प्रकाशित मिति: आइतबार, साउन ३, २०८३ ०९:०९

प्रतिक्रिया दिनुहोस्