वीरगन्जमा नाबालक नै गाँजा कारोबारमा संलग्न, १४ किलोभन्दा बढी लागूऔषधसहित पक्राउ

स्थानीय

गृहपृष्ठ
स्थानीय
वीरगन्जमा नाबालक नै गाँजा कारोबारमा संलग्न, १४ किलोभन्दा बढी लागूऔषधसहित पक्राउ

वीरगन्जमा नाबालक नै गाँजा कारोबारमा संलग्न, १४ किलोभन्दा बढी लागूऔषधसहित पक्राउ

सोमबार, चैत ३०, २०८२ राजान साह कानु

वीरगन्ज — प्रहरीले वीरगन्ज महानगरपालिका–१६, नगवाको फुलवारी टोलस्थित एक घरमा छापा मार्दै लागूऔषध गाँजासहित एक नाबालकलाई पक्राउ गरेको छ।

प्रहरीका अनुसार पक्राउ पर्नेमा सोही घरका अन्दाजी १५ वर्षीय बालक रहेका छन्। उनको परिचय भने गोप्य राखिएको छ।

विशेष सूचनाका आधारमा प्रहरीले उक्त स्थानमा छापा मारेको थियो। घरमा पुरिया (प्याकेट) बनाएर गाँजा बिक्री वितरण भइरहेको सूचना प्राप्त भएपछि कारबाही अघि बढाइएको प्रहरीले जनाएको छ।

छापामारीका क्रममा कुल १४ किलो २२६ ग्राम लागूऔषध गाँजा बरामद गरिएको छ। घटनाबारे थप अनुसन्धान भइरहेको प्रहरीले जनाएको छ।

प्रकाशित मिति: सोमबार, चैत ३०, २०८२ १९:३५