छिपहरमाई गाउँउपालिका लाई नेपालकै नमुना गाँउपालिका बनाउछु

अन्तर्वार्ता

गृहपृष्ठ
अन्तर्वार्ता
छिपहरमाई गाउँउपालिका लाई नेपालकै नमुना गाँउपालिका बनाउछु - गुप्ता

छिपहरमाई गाउँउपालिका लाई नेपालकै नमुना गाँउपालिका बनाउछु - गुप्ता

शुक्रबार, फागुन १३, २०७८ सुर्या दैनिक न्यूज डेस्क

वीरगञ्ज, १३ फागुन
छिपहरमाई गाँउपालिका देशमै नुमना काम गरेको गाँउपालिका प्रमुख मनोज गुप्ताले दावी गरेका छन । आवाज एफ. एम. ८८ मेगाहर्जको कार्यक्रम चुनावी बहसमा कुरा गर्दै प्रमुख गुप्ताले सो दावी गरेका हु्न । उनले हालै मात्र लोक सेवा आयोगको कितावमा कन्यादान दिने पहिलो पालिकाको रुपमा छिपहरमाई गाँउपालिकाको नाम सार्वजनिक भएको बताए । नेकपा एमाले पर्साको सचिव समेत रहेका प्रमुख गुप्ताले असक्षम मुख्यमन्त्रीको कारण जिल्लाको बिकाश हुन नसकेको बताए । उनले कार्यकर्ता पोस्ने बाहेक चार बर्षमा मुख्यमन्त्रीले खासै केहि काम नगरेको आरोप लगाए ।
छिपहरमाई गाँउपालिकाले स्वास्थ्य क्षेत्रलाई मुख्य प्राथमिकतामा राखेर काम गरेको बताए । उनले चार बर्ष भित्र प्राबिधिक बिद्यालय, कोभिड अस्पताल,१४७ जनालाई रोजगार दिने जस्ता महत्वपुर्ण काम गरिएको बताए । उनले पालिकाका गरिब जेहेन्दार बिद्यार्थीहरुको निशुल्क कोचिङ्ग, छात्रवृति जस्ता अभियान संचालन गरिएको बताए । चार बर्ष अगाडि सम्म पालिकाबाट सदरमुकाम वीरगंज आउन भारतीय बाटोको प्रयोग गर्दै आएकोमा अहिले आफनै बाटो प्रयोग गर्न सक्षम भएको बताए । उनले गाँउपालिका भित्रका कृषकहरुलाई सिचाईको लागि निशुल्क पानीको व्यवस्था गर्न लागिएको बताए ।
गुप्ताले पार्टीले जिम्मेवारी दिए पुनः प्रमुखमा दोहरिने बताए । छिपहरमार्ई गाँउपालिकाको जनताको चौतर्फी बिकाशको लागि प्रमुखमा दोहरिने बताए । उनले जनताको सेवा गर्ने उम्मेदवारलाई चुनाव लड्न पैसाको जोगो गर्न आवश्यक नपर्ने बताए । उनले काम गर्ने नेतालाई चुनाव जित्न पैसा नचाहिने बताए ।
गुप्ताले सिमित श्रोत साधनको बिच पालिकाले मुख्य उपलब्धि हासिल गरेको बताए । जति राम्रो काम गर्दा पनि बिपक्षीले आरोप लगाउनु स्वाभिक भएको बताउदै आफु माथि लागेको आरोप प्रमाणित गर्न चुनौती दिनुभयो । । उनले आउने चुनावमा एमाले पुनः पहिलो पार्टी बन्ने दावी गर्नुभयो । अहिले देशभरि नै एमाले प्रवेश गर्ने लहर चलेको बताउनुभयो । एमाले अधिवेशनका बाँकी कामहरु केन्द्रिय नेताहरुको समन्व्यमा छिटै टुगिंने बताए । चैत्र ६ गते एमाले अध्यक्ष केपी शर्मा ओलीको प्रमुख आतिथ्यमा हुने वृहत पार्टी प्रवेशलाई सफल पार्न कमिटी लागेको बताए । उनले केहि प्राबिधिक समस्या नभए चैत्र ६ गते ओली वीरगंज आउने पक्का पक्की रहेको बताए ।

प्रकाशित मिति: शुक्रबार, फागुन १३, २०७८ १९:२५

प्रतिक्रिया दिनुहोस्