गणेश नेपालीको मृत्युपछि गृह मन्त्रालयको सक्रियता, नगर प्रहरी प्रमुखसहित CEO सोधपुछमा

राष्ट्रिय

गृहपृष्ठ
राष्ट्रिय
गणेश नेपालीको मृत्युपछि गृह मन्त्रालयको सक्रियता, नगर प्रहरी प्रमुखसहित CEO सोधपुछमा

गणेश नेपालीको मृत्युपछि गृह मन्त्रालयको सक्रियता, नगर प्रहरी प्रमुखसहित CEO सोधपुछमा

शुक्रबार, असार २६, २०८३ सुर्या दैनिक न्यूज डेस्क

काठमाडौं । गणेश नेपालीको मृत्यु प्रकरणमा गृहमन्त्री सुधन गुरुङले काठमाडौं महानगरपालिकाका नगर प्रहरी प्रमुख विष्णु जोशी र प्रमुख कार्यकारी अधिकृत सरोज गुरागाईंलाई सोधपुछका लागि गृह मन्त्रालय बोलाएका छन्।

घटनाका प्रत्यक्षदर्शीहरूले नगर प्रहरीको भूमिकामाथि गम्भीर लापरबाही भएको आरोप लगाएपछि गृहमन्त्रीले घटनाबारे प्रारम्भिक जानकारी लिन र आवश्यक सोधपुछ गर्न दुवै अधिकारीलाई आकस्मिक रूपमा मन्त्रालय उपस्थित हुन निर्देशन दिएका हुन्।

घटनापछि गणेश नेपालीको मृत्युबारे निष्पक्ष छानबिन, जिम्मेवार पक्षको पहिचान तथा कानुनबमोजिम कारबाहीको माग व्यापक रूपमा उठिरहेको छ। यसैबीच, मृतकका आफन्त र सर्वसाधारणले घटनाको सत्यतथ्य सार्वजनिक गर्न सरकारसँग माग गरेका छन्।

गृह मन्त्रालयले घटनाको वास्तविकता पत्ता लगाउन आवश्यक प्रक्रिया अघि बढाइएको जनाएको छ। सम्बन्धित निकायबाट आधिकारिक छानबिनको प्रतिवेदन आएपछि थप विवरण सार्वजनिक हुने अपेक्षा गरिएको छ।

प्रकाशित मिति: शुक्रबार, असार २६, २०८३ १४:१०

प्रतिक्रिया दिनुहोस्