SEE नतिजाको पीडाः वीरगन्जमा १५ वर्षीय छात्रले रोजे मृत्युलाई

स्थानीय

गृहपृष्ठ
स्थानीय
SEE नतिजाको पीडाः वीरगन्जमा १५ वर्षीय छात्रले रोजे मृत्युलाई

SEE नतिजाको पीडाः वीरगन्जमा १५ वर्षीय छात्रले रोजे मृत्युलाई

मंगलबार, वैशाख २९, २०८३ सुर्या दैनिक न्यूज डेस्क

SEE परीक्षाको नतिजापछि निराश बनेका वीरगन्जका १५ वर्षीय किशोर शन्नी पटेलले आत्महत्या गरेका छन्।

पर्साको पकहामैनपुर गाउपालिका–२ मधुवनी घर भई हाल वीरगन्ज महानगरपालिका–११ श्रीपुरमा बस्दै आएका दीपेन्द्र पटेलका छोरा शन्नीले सोमबार राति आत्महत्या गरेको पारिवारिक स्रोतले जनाएको छ।

वीरगन्जको पिपरास्थित नरसिंह माध्यमिक विद्यालयमा अध्ययनरत शन्नी SEE नतिजा सार्वजनिक भएपछि निकै तनावमा रहेको परिवारले बताएको छ। राति करिब ११:३० बजेसम्म परिवारका सदस्यहरूले उनलाई सम्झाइबुझाइ गरिरहेका थिए। तर, अचानक उनी आफ्नो कोठातर्फ दौडिएका थिए।

केहीबेरपछि परिवारले शन्नीलाई झुन्डिएको अवस्थामा फेला पारेको बताइएको छ। घटनापछि परिवार शोकमा डुबेको छ भने स्थानीय क्षेत्रमा समेत स्तब्धता छाएको छ।

प्रहरीले घटनाबारे थप अनुसन्धान अघि बढाएको जनाएको छ

प्रकाशित मिति: मंगलबार, वैशाख २९, २०८३ ०९:३९

प्रतिक्रिया दिनुहोस्