कर्फ्युका बीच प्रवेशपत्र देखाएर परीक्षा केन्द्र जान परीक्षार्थीलाई अनुमति

स्थानीय

गृहपृष्ठ
स्थानीय
कर्फ्युका बीच प्रवेशपत्र देखाएर परीक्षा केन्द्र जान परीक्षार्थीलाई अनुमति

कर्फ्युका बीच प्रवेशपत्र देखाएर परीक्षा केन्द्र जान परीक्षार्थीलाई अनुमति

मंगलबार, पुस २२, २०८२ सुर्या दैनिक न्यूज डेस्क

वीरगञ्ज पुष २२ - वीरगञ्जमा जारी कर्फ्युका बाबजुद परीक्षार्थीहरूको भविष्यलाई ध्यानमा राख्दै प्रशासनले परीक्षा सञ्चालनमा सहजीकरण गरेको छ। कर्फ्यु अवधिमा पनि प्रवेशपत्र देखाएर परीक्षा केन्द्रतर्फ जान परीक्षार्थीहरूलाई अनुमति दिइएको जिल्ला प्रशासन कार्यालयले जनाएको छ।

प्रशासनका अनुसार परीक्षा दिन तोकिएका विद्यार्थीहरूलाई अनावश्यक दुःख नहोस् भन्ने उद्देश्यले सुरक्षाकर्मीहरूलाई आवश्यक समन्वयका साथ परिचालन गरिएको छ। प्रवेशपत्र अनिवार्य रूपमा साथमा राखी सिधै परीक्षा केन्द्रसम्म आवत–जावत गर्न पाइने व्यवस्था मिलाइएको छ।

परीक्षा केन्द्र वरपर सुरक्षाको व्यवस्था कडा बनाइएको छ भने अभिभावक तथा सर्वसाधारणलाई अनावश्यक भीड नगर्न आग्रह गरिएको छ। कर्फ्युको कारण उत्पन्न हुन सक्ने असहज परिस्थितिका बाबजुद परीक्षाहरू शान्तिपूर्ण रूपमा सञ्चालन भइरहेका छन्।

स्थानीय प्रशासनले शान्ति सुरक्षा कायम राख्दै शैक्षिक गतिविधि प्रभावित नहुने गरी आवश्यक सबै उपाय अपनाइने जनाएको छ।

प्रकाशित मिति: मंगलबार, पुस २२, २०८२ ११:५२