पकाहामैनपुरमा अधिकृत चौधरीले भ्रष्टचार ढाकछोप गर्न सुचना लुकाउदैं : नेता साह

स्थानीय

गृहपृष्ठ
स्थानीय
पकाहामैनपुरमा अधिकृत चौधरीले भ्रष्टचार ढाकछोप गर्न सुचना लुकाउदैं : नेता साह

पकाहामैनपुरमा अधिकृत चौधरीले भ्रष्टचार ढाकछोप गर्न सुचना लुकाउदैं : नेता साह

शुक्रबार, पुस २०, २०८० सुर्या दैनिक न्यूज डेस्क

वीरगञ्ज २० पुस : पकाहामैनपुर गाँउपालिकाका प्रमुख प्रशासकिय अधिकृत उदयशंकर चौधरीले सुचना दिन आनाकानी गरेको एमालेका युवा नेता अकलेश साहले गुनासो गरेका छन । गाँउपालिकाले हालै हटाएको कर्मचारीको विवरणको सुचना माँग गर्दा चौधरीले आनाकानी गरेको साहले आरोप लगाए ।

पुस १८ गते गाँउपालिकाले गरेको बैठकको निर्णय सार्वजननिक नगरेको बिषयमा जानकारी लिन खोज्दा प्रमुख चौधरीले दिन नमानेको साहले आरोप लगाए । साहले सुचना पार्टी,पालिकाको वेभ साईट समेत कर्मचारी हटाएको विवरण नराखे पछि त्यसमा ठुलै षड्यन्त्र हुन लागेको साहको दावी थियो । उनले तिन दिन देखि सुचना माँग गर्दा नदिएको , फोनबाट सुचना माँग गर्दा फोनमा दिन नमिल्ने र गाँउपालिका पुगेर सुचना लिन खोज्दा आलटाल गरेको साहले बताए ।

विवादित छविका चौधरीले सुचनाको हकबाट बञ्चित गरि नागरिकको सुसुचित हुने अधिकार हनन गरेकोले अब त्यसको बिरुद्ध भण्डाफोर गर्ने चेतावनी समेत दिए । नेकपा एमाले निकट ओविसीका केन्द्रिय उपाध्यक्ष एवं पालिका अध्यक्ष समेत रहेका साहले गाँउपालिकाको वेथिती बिरुद्ध अब भण्डाफोर गरेर भ्रष्ट कर्मचारी र पालिका प्रमुखलाई नाँगेछार पारिने बताए । यता यस सम्बन्धमा प्रमुख प्रशासकिय अधिकृत चौधरी संग सम्र्पक गर्न खोज्दा उनको मोबाईल नम्बर ९८५५०४०४०८ मा फोन उठेन ।

प्रकाशित मिति: शुक्रबार, पुस २०, २०८० १९:४३

प्रतिक्रिया दिनुहोस्