किसानलाई मल छैन, तस्करलाई फालाफाल, सशस्त्र प्रहरीको सक्रियतामै पुनःअमरपट्टि नाकाबाट तस्करी शुरु

राष्ट्रिय

गृहपृष्ठ
राष्ट्रिय
किसानलाई मल छैन, तस्करलाई फालाफाल, सशस्त्र प्रहरीको सक्रियतामै पुनःअमरपट्टि नाकाबाट तस्करी शुरु

किसानलाई मल छैन, तस्करलाई फालाफाल, सशस्त्र प्रहरीको सक्रियतामै पुनःअमरपट्टि नाकाबाट तस्करी शुरु

बुधबार, असार २९, २०७९ सुर्या दैनिक न्यूज डेस्क

2e2cd493-36fe-4bde-a0a7-594505d460df.jpg

वीरगंज,असार २९ भगवानलाल कुर्मी
पर्सामा अहिले किसानलाई मल नपाएको अवस्था छ । मल बिना खेती गरेका किसानहरु चिन्तित बनेका छन । सिमा क्षेत्रका किसान छिमेकि देशबाट खेतमा हाल्न मल ल्याउन पाएका छैनन, ल्याउन प्रयास गरेका किसानहरुलाई सिमा क्षेत्रमा तैनाथ सशस्त्र प्रहरीले दुख दिनुको साथै मलनै जफत गर्ने गरेका छन । किसानलाई सहज रुपमा मल उपलब्ध नभएकोले तस्करलाई भने सजिलै मल उपलब्ध भएको छ । आखिर किन तस्करले सजिलै मल लिन सफल भए ? यसको मुख्य कारण हो सिमा क्षेत्रमा तैनाथ सशस्त्र प्रहरीको गैर जिम्मेवारी र बदमासी । अहिले बिशेष गरी पर्साको अमरपट्टि नाकाबाट व्यापक मात्रामा तस्करी भईरहको समाचार प्राप्त भएको छ । अमरपट्टि र वर्वा गाँउको नाकामा तैनाथ सशस्त्र प्रहरीको मिलोमतोमा तस्करी भईरहेको श्रोतको दावी छ । श्रोतका अनुसार अहिले सो नाकाबाट दिनहु मलखाद, चिनि,किराना समान र कपडाको तरस्करी भईरहेको छ । बिशेष गरी मोटरसाईकलको प्रयोग गरी तस्करहरुले मलखाद तथा खाद्यन्न र कपडा ल्याउने गरेका छन । तस्करहरुले सिमा क्षेत्रमा तैनाथ सशस्त्र प्रहरीलाई मोटो नजराना बुझाई तस्करी गर्ने गरेको स्थानियले बताएका छन। स्थानियले प्रति मोटरसाईकलबाट सशस्त्र प्रहरीहरुले चेकजाँचको बहानामा पैशा लिने गरेको नाम नबताउने शर्तमा एक स्थानियले बताए । ग्रामिण भेगको नाका भएकाले यस क्षेत्रबाट माल पास गराउन सहज भएकाले तस्करहरुले यो नाकाबाट बढि माल पास गराउने गरेको बुझिएको छ । साथै सो क्षेत्रमा तैनाथ सशस्त्र प्रहरीहरुलाई सजिलै मिलाउन सकिने भएकोले यो नाका तस्करको रोजाईमा परेको बुझिएको छ । यस बारेमा सशस्त्र प्रहरीलाई सम्र्पक गर्न खोज्दा फोन सम्पर्क हुन सकेन ।

प्रकाशित मिति: बुधबार, असार २९, २०७९ १३:१६

प्रतिक्रिया दिनुहोस्