कार्यवाहक प्रमुख इम्तियाज आलमको पहलपछि विपद् पीडितले राहत पाउने

राष्ट्रिय

गृहपृष्ठ
राष्ट्रिय
कार्यवाहक प्रमुख इम्तियाज आलमको पहलपछि विपद् पीडितले राहत पाउने

कार्यवाहक प्रमुख इम्तियाज आलमको पहलपछि विपद् पीडितले राहत पाउने

बिहीबार, असार १८, २०८३ सुर्या दैनिक न्यूज डेस्क

वीरगञ्ज, असार १८ — वीरगञ्ज महानगरपालिकामा लामो समयदेखि रोकिएको विपद् राहत वितरण प्रक्रिया पुनः अघि बढेको छ। कार्यवाहक प्रमुख इम्तियाज आलमको पहलपछि आगलागी, बाढी र हावाहुरीबाट प्रभावित परिवारलाई राहत उपलब्ध गराउने प्रक्रिया सुरु गरिएको हो।

महानगरपालिकाका अनुसार विभिन्न वडाबाट प्राप्त विपद् राहतसम्बन्धी निवेदनहरूको पुनः अध्ययन गरी वास्तविक पीडितहरूको पहिचान गरिएको छ। वडा नं. १४, १७, १९ र २६ लगायतका क्षेत्रमा प्राकृतिक विपद्का कारण घर तथा अन्य भौतिक संरचनामा क्षति पुगेका १५ परिवारलाई राहत उपलब्ध गराइने भएको छ।

कार्यवाहक प्रमुख आलमले विपद् व्यवस्थापन शाखालाई आवश्यक प्रक्रिया शीघ्र पूरा गर्न निर्देशन दिएपछि राहत वितरणको कामले गति लिएको जनाइएको छ। क्षतिको प्रकृति र अवस्थाका आधारमा प्रतिपरिवार ५ हजारदेखि २५ हजार रुपैयाँसम्म राहत उपलब्ध गराइने निर्णय गरिएको छ।

विपद् व्यवस्थापन शाखा प्रमुख विभा मिश्राका अनुसार आवश्यक प्रशासनिक प्रक्रिया अन्तिम चरणमा पुगेको छ र केही दिनभित्रै राहत रकम सम्बन्धित पीडितहरूको हातमा पुग्नेछ।

कार्यवाहक प्रमुख आलमले प्राकृतिक विपद्बाट प्रभावित नागरिकलाई आवश्यक सहयोग उपलब्ध गराउनु महानगरपालिकाको दायित्व भएको उल्लेख गर्दै आगामी दिनमा पनि यस्ता घटनामा छिटो, प्रभावकारी र पारदर्शी रूपमा राहत तथा सहयोग उपलब्ध गराइने प्रतिबद्धता व्यक्त गर्नुभएको छ।

प्रकाशित मिति: बिहीबार, असार १८, २०८३ १८:०१

प्रतिक्रिया दिनुहोस्