बिरगंजको अनमोल स्विट्सको भेज म:ममा कपाल भेटियो, खाद्य स्वच्छतामाथि गम्भीर प्रश्न

स्थानीय

गृहपृष्ठ
स्थानीय
बिरगंजको अनमोल स्विट्सको भेज म:ममा कपाल भेटियो, खाद्य स्वच्छतामाथि गम्भीर प्रश्न

बिरगंजको अनमोल स्विट्सको भेज म:ममा कपाल भेटियो, खाद्य स्वच्छतामाथि गम्भीर प्रश्न

बिहीबार, जेठ १४, २०८३ सुर्या दैनिक न्यूज डेस्क

वीरगंज । वीरगंजस्थित चर्चित खाद्य पसल “अनमोल स्विट्स” मा बिक्री गरिएको भेज म:ममा कपाल भेटिएको घटनाले खाद्य स्वच्छता र गुणस्तरमाथि गम्भीर प्रश्न उठाएको छ।

स्थानीय एक ग्राहकले पसलबाट खरिद गरेको भेज म:म खाने क्रममा भित्र कपाल फेला परेको भन्दै सामाजिक सञ्जालमार्फत गुनासो सार्वजनिक गरेका हुन्। उक्त तस्बिर र गुनासो सार्वजनिक भएपछि उपभोक्ताबीच असन्तुष्टि बढेको छ भने खाद्य पदार्थको सरसफाइ तथा तयारी प्रक्रियामाथि चासो व्यक्त गरिएको छ।

स्थानीयवासी तथा उपभोक्ताहरूले वीरगंज महानगरपालिका, खाद्य प्रविधि तथा गुण नियन्त्रण कार्यालय लगायत सम्बन्धित निकायलाई तत्काल अनुगमन गर्न माग गरेका छन्। उनीहरूले बजारमा बिक्री हुने खानेकुराको नियमित निरीक्षण, सरसफाइ मापदण्डको पालना तथा उपभोक्ता स्वास्थ्यप्रति संवेदनशील बन्न व्यवसायीलाई आग्रह गरेका छन्।

घटनाबारे अनमोल स्विट्सको आधिकारिक प्रतिक्रिया आउन बाँकी रहेको छ। यद्यपि उपभोक्ताहरूले यस्ता घटनाले खाद्य व्यवसायप्रतिको विश्वास कमजोर बनाउने भन्दै सम्बन्धित निकायले कडा निगरानी र कारबाही गर्नुपर्ने बताएका छन्।

प्रकाशित मिति: बिहीबार, जेठ १४, २०८३ १५:२८

प्रतिक्रिया दिनुहोस्