पूर्व मन्त्री ज्वाला कुमारी साह द्वारा बरवामा इमृति नदी पुलको शिलान्यास, विकासको नयाँ आशा जाग्यो

राष्ट्रिय

गृहपृष्ठ
राष्ट्रिय
पूर्व मन्त्री ज्वाला कुमारी साह द्वारा बरवामा इमृति नदी पुलको शिलान्यास, विकासको नयाँ आशा जाग्यो

पूर्व मन्त्री ज्वाला कुमारी साह द्वारा बरवामा इमृति नदी पुलको शिलान्यास, विकासको नयाँ आशा जाग्यो

सोमबार, जेठ ४, २०८३ सुर्या दैनिक न्यूज डेस्क

कलैया, ४ जेठ
कलैया उपमहानगरपालिका वडा नं. २७ बरवास्थित इमृति नदीमा निर्माण हुन लागेको पुलको शिलान्यास कार्यक्रम भव्य रूपमा सम्पन्न भएको छ। पूर्व मन्त्री ज्वाला कुमारी साह ले पुल निर्माण कार्यको शिलान्यास गर्दै बरवा क्षेत्रको विकासका लागि यो योजना ऐतिहासिक हुने बताउनुभयो।
वर्षौंदेखि स्थानीय नागरिकले भोग्दै आएको आवतजावतको समस्या अब अन्त्य हुने विश्वास व्यक्त गर्दै उहाँले पुल निर्माणले शिक्षा, स्वास्थ्य, व्यापार तथा दैनिक जनजीवनलाई सहज बनाउने उल्लेख गर्नुभयो। स्थानीयवासीले पनि पुल निर्माणलाई बरवा क्षेत्रको विकाससँग जोडिएको महत्वपूर्ण उपलब्धिका रूपमा लिएका छन्।
शिलान्यास कार्यक्रममा वडा अध्यक्ष अशोक कुमार तिवारी, वडा सदस्य आलमहमद अन्सारी, नेकपा एमाले जिल्ला सचिव अमृत शर्मा बाजगाई, प्र.अ. अजय तिवारी, दुवारिका सहनी, देवन राम, बदरी चौधरी, साधु मण्डल, रमेश सहनी, बृजकिशोर चौधरी, बालचन कुशवाहा, बीरेन्द्र मण्डल, सरोज जयसवाल, शंकर महतो लगायत स्थानीय अगुवा तथा सर्वसाधारणको उल्लेखनीय उपस्थिति रहेको थियो।
स्थानीय नागरिकहरूले पुल निर्माण कार्य समयमै सम्पन्न गर्न सम्बन्धित निकायसँग आग्रह समेत गरेका छन्।

प्रकाशित मिति: सोमबार, जेठ ४, २०८३ १४:४०

प्रतिक्रिया दिनुहोस्