१५१ किलोको माला सहित वीरगञ्जमा सांसद सुशील कुमार कानुको भव्य सम्मान

स्थानीय

गृहपृष्ठ
स्थानीय
१५१ किलोको माला सहित वीरगञ्जमा सांसद सुशील कुमार कानुको भव्य सम्मान

१५१ किलोको माला सहित वीरगञ्जमा सांसद सुशील कुमार कानुको भव्य सम्मान

बुधबार, फागुन २७, २०८२ सुर्या दैनिक न्यूज डेस्क

वीरगञ्ज, पर्सा । पर्सा निर्वाचन क्षेत्र नं.–२ बाट निर्वाचित राष्ट्रिय स्वतन्त्र पार्टी (रास्वपा) का सांसद सुशील कुमार कानुलाई गृहनगर वीरगञ्जमा भव्य स्वागत तथा सम्मान गरिएको छ।

वीरगञ्जमा आयोजित कार्यक्रममा समर्थक तथा स्थानीय बासिन्दाले सांसद कानुलाई १५१ किलोको विशाल माला लगाएर सम्मान गरेका थिए। विजयी भएपछि पहिलो पटक गृहनगर आइपुगेका कानुलाई स्वागत गर्न सयौं समर्थक, शुभेच्छुक तथा स्थानीय नागरिकको उल्लेख्य उपस्थिति रहेको थियो।

कार्यक्रमका क्रममा समर्थकहरूले बाजागाजा सहित र्‍याली निकाल्दै सांसद कानुको विजयप्रति खुशी व्यक्त गरेका थिए। कार्यक्रममा बोल्दै सांसद कानुले आफूलाई दिएको विश्वास र समर्थनप्रति मतदाताप्रति आभार व्यक्त गर्दै पर्सा–२ को विकास, सुशासन र जनताको समस्याको समाधानलाई प्राथमिकतामा राखेर काम गर्ने प्रतिबद्धता व्यक्त गरे।

स्थानीयवासीले पनि सांसद कानुबाट क्षेत्रको विकास, रोजगारी सिर्जना र जनताको आवाज संसदमा बलियो रूपमा उठ्ने अपेक्षा व्यक्त गरेका छन्।

पर्सा–२ मा सम्पन्न प्रतिनिधि सभा निर्वाचनमा कानुले प्रतिस्पर्धी उम्मेदवारलाई पराजित गर्दै विजयी भएका थिए। वीरगञ्जमा गरिएको भव्य स्वागतलाई उनका समर्थकहरूले जनताको विश्वास र समर्थनको प्रतीकका रूपमा लिएका छन्।

प्रकाशित मिति: बुधबार, फागुन २७, २०८२ २१:०४

प्रतिक्रिया दिनुहोस्