वीरगञ्जबाट स्रोत नखुलेको ६ लाख रकम सहित एकजना भारतिय पक्राउ

स्थानीय

गृहपृष्ठ
स्थानीय
वीरगञ्जबाट स्रोत नखुलेको ६ लाख रकम सहित एकजना भारतिय पक्राउ

वीरगञ्जबाट स्रोत नखुलेको ६ लाख रकम सहित एकजना भारतिय पक्राउ

बुधबार, जेठ ३०, २०८१ सुर्या दैनिक न्यूज डेस्क

बिरगंज, ३० जेष्ठ

वीरगञ्जबाट सशस्त्र प्रहरीले स्रोत नखुलेको रकम सहित एकजनालाई पक्राउ गरेको छ ।

सशस्त्र प्रहरीले पर्साको वीरगञ्ज महानगरपालिका वाड नं.१६ भन्सार मेनगेट ईलाकाबाट स्रोत नखुलेको रकम सहित एकजनालाई पक्राउ गरेको छ ।

प्रस्तावित सीमा सुरक्षा गुल्म वीरगञ्जबाट खटीएको टोलीले भारतको रक्सौलबाट वीरगञ्जतर्फ आउदै गरेका भारतको पूर्वी चम्पारणका अन्दाजी ३३ बर्षका राहुल कुमारलाई स्रोत नखुलेको ६ लाख नेपाली रूपैया सहित पक्राउ गरेको हो ।

भारतको रक्सोलबाट बि आर.०६ एआर.९४११ नम्बरको मोटरसाइकलमा आएका राहुल कुमारलाई रोकेर जाँच गर्दा उनले लगाएको हेल्मेट भित्र लुकाई ल्याएको ६ लाख श्रोत नखुलेको नेपाली रुपैयाँ फेला परेको सशस्त्र प्रहरी बल नेपाल नम्बर १३ गण हेडक्वाटर पर्साका गणपति सशस्त्र प्रहरी उपरीक्षक राधेश्याम धिमालले बताए ।

नगद रूपैयाँ र मोटरसाइकल सहित नियन्त्रणमा लिएका राहुल कुमारलाई आवश्यक कारवाीको लागि बिरगंज भन्सार कार्यालयमा बुझाईएको सशस्त्र प्रहरी उपरीक्षक धिमालले बताए ।

प्रकाशित मिति: बुधबार, जेठ ३०, २०८१ २०:०८

प्रतिक्रिया दिनुहोस्