वीरगंजका मेयर सिंह र पूर्व प्रमुख जिल्ला अधिकारी ढकालसहित ४ जनाविरुद्ध अख्तियारमा उजुरी दर्ता

राष्ट्रिय

गृहपृष्ठ
राष्ट्रिय
वीरगंजका मेयर सिंह र पूर्व प्रमुख जिल्ला अधिकारी ढकालसहित ४ जनाविरुद्ध अख्तियारमा उजुरी दर्ता

वीरगंजका मेयर सिंह र पूर्व प्रमुख जिल्ला अधिकारी ढकालसहित ४ जनाविरुद्ध अख्तियारमा उजुरी दर्ता

शुक्रबार, माघ ५, २०८० सुर्या दैनिक न्यूज डेस्क

वीरगन्ज, माघ ५
नक्कली बाबु बनेर नागरिकता दिलाएको आरोप लागेका वीरगंजका मेयर राजेशमान सिंह र किर्ते नागरिकताको अभिलेख लुकाउन संलग्न कर्मचारी विरुद्ध अख्तियारमा उजुरी परेको छ ।

नागरिकता किर्तेमा संलग्न वीरगंजका मेयर राजेशमान सिंह र उनले नागरिकता दिलाएको अभिलेख गायब बनाउन संलग्न रहेको आरोप लागेका पर्साका पूर्व प्रमुख जिल्ला अधिकारीसहित ४ जनाविरुद्ध आयोगमा २ उजुरी दर्ता भएका हुन्।

मेयरविरुद्ध पर्सा जिल्ला विरगंज महानगरपालिका–३ बस्ने महम्मद सहाबुदिन र स्थायी ठेगाना ललितपुर भई हाल बारा जितपुर सिमरा उपमहानगरपालिका–२२ बस्ने राज कुमार तिमल्सिनाले छुट्टा–छुट्टै उजुरी दर्ता गरेका हुन् । सहाबुदिनले मेयर समेत रहेका राजेशमान सिंह र उनले नक्कली छोरी बनाएका सोही ठेगानाकी रुबीना श्रेष्ठलाई विपक्षी बनाएर नागरिकता दिलाएको भन्दै कारबाही गर्न माग गर्दै उजुरी दर्ता गरेका छन् ।

उनले पुष २९ गते आयोगको केन्द्रिय कार्यालय टंगाल पुगेर उजुरी दर्ता गराएका हुन् । उनले दर्ता गरेको उजुरीमा झुठो विवरण पेश गरी लिएको नागरिकता बदर गरी थप कारबाही गर्न माग गरिएका छन् ।
त्यस्तै बाराका राज कुमार तिमल्सिनाले शुक्रबार मेयर सिंहसहित नागरिकता किर्तेमा संलग्नहरुललाई काबाही माग गर्दै उजुरी दर्ता गरेका छन् । उनले राजेशमान सिंहले नागरिकता दिलाइदिएका रविना श्रेष्ठ, जिल्ला प्रशासन कार्यालय पर्साका तत्कालिन प्रमुख हाल सामान्य प्रशासन मन्त्रालयमा कार्यरत सहसचिव उमेश कुमार ढकाल, जिल्ला प्रशासन कार्यालय पर्साका प्रशासकीय अधिकृुत षड्कुमार पोखरेल र जिल्ला प्रशासन कार्यालय पर्साका प्रशासकीय अधिकृत विनयकुमार श्रीवास्तवलाई विपक्षी बनाएर आयोगमा उजुरी दर्ता गराएका छन् । download (1)21705660544.jpg
‘उल्लिखित जनप्रतिनिधि एवमं राष्ट्रसेवक कर्मचारीले किर्ते नागरिकता जारी गरेर भ्रष्टाचारजन्य कार्य गरेकोले निजहरु उपर आवश्यक कारबाही गरिपाउँ,’ तिमल्सिनाको उजुरीमा भनिएको छ । नक्कली बाबु बनेर नागरिकता दिलाएको आरोप लागेका वीरगंजका मेयरको किर्तेमा सरकारी कर्मचारीको पनि मिलोमतो भेटिएको थियो ।
मेयरको किर्ते लुकाउन जिल्ला प्रशासन कार्यालय पर्साबाट नागरिकताको अनुसूची र यससँग सम्बन्धित सम्पूर्ण कागजपत्र गायब छन् । मेयरले नक्कली बाबु बनेर नागरिकता दिलाएको तथ्य सिधाकुराले खुलासा गरेको थियो । सभार सिधाकुरा अनलाईन खबर