डब्ल्यूएचओको दक्षिण–पूर्वी एसिया क्षेत्रीय निर्देशकको चुनाव आज

अन्तर्राष्ट्रिय

गृहपृष्ठ
अन्तर्राष्ट्रिय
डब्ल्यूएचओको दक्षिण–पूर्वी एसिया क्षेत्रीय निर्देशकको चुनाव आज

डब्ल्यूएचओको दक्षिण–पूर्वी एसिया क्षेत्रीय निर्देशकको चुनाव आज

बुधबार, कात्तिक १५, २०८० सुर्या दैनिक न्यूज डेस्क

वीरगन्ज, कात्तिक १५
विश्व स्वास्थ्य संगठन (डब्ल्यूएचओ) को दक्षिण–पूर्वी एसिया क्षेत्रीय निर्देशकको चुनाव आज हुँदै छ । निर्देशक पदमा नेपालको तर्फबाट डब्ल्यूएचओमै कार्यरत शम्भुप्रसाद आचार्य र बंगलादेशको तर्फबाट प्रधानमन्त्री शेख हसिनाकी छोरी साइमा वाजेद उम्मेदवार रहनुभएको छ ।

भारतको नयाँ दिल्लीमा आयोजित डब्ल्यूएचओको दक्षिण–पूर्वी एसियाको क्षेत्रीय कमिटी ९सेरो० को बैठकले नयाँ क्षेत्रीय निर्देशक चयन गर्ने छ । बैठक गएको सोमवारदेखि शुरु भएको हो । डब्लूएचओको दक्षिण–पूर्वी एसिया क्षेत्रीय कार्यालय दिल्लीमा छ ।

डब्ल्यूएचओको दक्षिण–पूर्वी एसिया क्षेत्रमा नेपाल, भारत, भुटान, बंगलादेश, उत्तर कोरिया, इन्डोनेसिया, मालदिभ्स, म्यानमार, श्रीलंका, थाइल्याण्ड र टिमोर लिस्टे गरी ११ देश सदस्य छन् । उनीहरुले नै मतदान गरेर वा सहमतिमा क्षेत्रीय निर्देशक चयन गर्दछन् ।

सैनिक शासन भएका कारण म्यानमारले मतदान नपाउने भएकोले १० वटा देशमात्रै मतदानमा सहभागी हुँदैछन् । सदस्य देशका स्वास्थ्यमन्त्री मतदाता हुनेछन् । नेपालबाट स्वास्थ्यमन्त्री मोहनबहादुर बस्नेतको नेतृत्वको टोली क्षेत्रीय बैठकमा भाग लिन नयाँदिल्ली गएको छ

प्रकाशित मिति: बुधबार, कात्तिक १५, २०८० ११:३०

प्रतिक्रिया दिनुहोस्