नापतौल कार्यालय पर्साका अधिकृत यादवविरुद्ध भ्रष्टचार मुद्दा दायर

राष्ट्रिय

गृहपृष्ठ
राष्ट्रिय
नापतौल कार्यालय पर्साका अधिकृत यादवविरुद्ध भ्रष्टचार मुद्दा दायर

नापतौल कार्यालय पर्साका अधिकृत यादवविरुद्ध भ्रष्टचार मुद्दा दायर

सुर्या दैनिक न्यूज डेस्क

Bhagwan kurmi

मंगलबार, जेठ १६, २०८०

IMG_20230530_171944.jpg

वीरगन्ज, १६ जेष्ठ

अख्तियार दुरुपयोग अनुसन्धान आयोगले वीरगन्जस्थित गुणस्तर तथा नापतौल कार्यालय पर्साका पूर्व अधिकृतविरुद्ध विशेष अदालतमा भ्रष्टाचार मुद्दा दायर गरेको छ ।गुणस्तर तथा नापतौल कार्यलय पर्साका तत्कालिन वरिष्ठ गुणस्तर अधिकृत शशिभूषण कुमार यादवविरुद्ध अख्तियारले मंगलबार साढे ४ करोड रुपैयाँ भ्रष्टाचार गरेको आरोपमा विशेष अदालतमा मुद्दा दायर गरेको हो । अख्तियारका प्रवक्ता भोला दाहालकाअनुसार यादवविरुद्ध गैरकानुनी सम्पत्ति आर्जन गरेको कसुरमा ४ करोड ४७ लाख ३४ हजार २ सय १२ रुपैयाँ बिगो र त्यति नै जरिवाना तथा कैदसजाय मागदाबीसहित मुद्दा दायर गरिएको हो । सार्वजनिक पदमा रहँदा यादवले गैरकानुनी सम्पत्ति आर्जन गरेको अख्तियारले अदालतमा दायर गरेको आरोपपत्रमा उल्लेख छ । २०४६ जेठ ८ गते सरकारी सेवामा प्रवेश गरेका यादवले २०७९ सालसम्ममा ७ करोड २४ लाख ५६ हजार रुपैयाँ आम्दानी गरेका थिए । यादवले गैरकानूनी रूपमा आर्जन गरेको सम्पत्तिबाट श्रीमती रीता रानी, छोराहरू विकास यादव र अविनास यादवको नाममा जग्गा खरिद गरेको, घर निर्माण गरेको र बैंक मौज्दात राखेको पाइएको अख्तियारको भनाइ छ ।

प्रकाशित मिति: मंगलबार, जेठ १६, २०८० १७:२३

प्रतिक्रिया दिनुहोस्